Lip Tint

我想跟大家分享既係一支自稱不脫色既唇膜,係韓國品牌既...又講下咩原因我會買呢支野呢…事源係我最近做左幾個姊妹化妝,今次我只係朝早做完就收工啦,唔洗跟夜晚,我又發現原來有好多姊妹係冇準備化妝品跟身,咁個妝點可以last 到夜晚呀？！所以,我就諗諗下不如買一批可以long last 既唇部產品啦！我就從網絡開始搜索...俾我發現到韓國有好多品牌係有出不脫色既lip tint, 講開不脫色唇彩,我就諗起N年前max factor 出過d咁既產品,但用完個嘴乾到唔敢講野呀,怕會列開呀,從此我就對不脫色既唇部產品敬而遠之啦…所以咁多年我既化妝袋係冇一支 " 不脫色既lip product " 啦！又講開lip tint 我又記起幾年前benitif 係出過呢類產品,可以塗嘴又可用作水狀胭脂,但因為陰影問題我都冇去買呢試下! 離左題添..講返呢支韓國出品既唇膜(相中左面呢支),我揀佢係覺得幾得意,據稱厚厚塗上去等10分鐘乾左之後可以撕個膜出呢,咁個顏色就留係嘴度,飲野食野講野都唔脫色,好似好好玩咁,於是乎我就忍唔住買支返呢試下囉…其實呢支唇膜都唔係新鮮事,我係youtube都睇過好多人用( 係咁樣我至知呢支唇膜係咁用既)好。。我就講講我用完之後既感覺先....第一次試上嘴有dd拮拮地,咩原因呢？不過冇敏感既...之後等10分鐘啦…好期待....撕出呢果下好好玩呀,撕完之後...依...d色唔均勻既,嗯！失望...上唇上唔到色,下唇內有色外面冇色...唔通我塗得唔好??定我有死皮攪到d色一撻撻?好。。磨下沙再敷下唇mask ,第二日再試,我塗上唇再厚d,下唇外面多d ,再等10分鐘,我撕開塊膜....喂！都係咁既....,我俾老公笑我似飲完芬達冇抺嘴...慘!唔信邪夜晚再試,今次我用唇掃推得均勻d啦…應該得啦掛.....再等10分鐘....撕開後....oh shxx..都係咁...嗯！算啦…我再物識過第二種lip tint 吧…相中右面第3張图,見到效果啦...最後加個普通lip gloss ( 图中我用既係anna sui 橙色半透明lip gloss ) 就好似冇咁古怪囉…我又再搜索第二隻lip tint la... 最後我買左etude house 既water tint ....想知我試用成點?下回分解囉…留意我地page 啦…諗諗下呢支唇膜我係咪因為橙色關係所以攪成咁,用紅色會唔會好d 呢?哎呀…,我真係唔信邪喎。。。哈哈